Կանանց նկատմամբ բռնությունը կարող է արտահայտվել տարբեր ձևերով․

• Ֆիզիկական բռնություն – հարվածներ, ծեծ, խեղդում, մարմնական վնասվածքներ։

• Հոգեբանական բռնություն – վախեցում, վիրավորանք, սպառնալիքներ, վերահսկողություն, մեկուսացում։

• Սեռական բռնություն – սեռական հարաբերությունների հարկադրում առանց համաձայնության։

• Տնտեսական բռնություն – ֆինանսական միջոցներից զրկում, աշխատանքի արգելք, վարկերի պարտադրանք։

Ցանցային բռնություն – ինտերնետով վախեցում, խայտառակող նյութերի տարածում, վերահսկում։

Դու կարող ես ենթարկվել բռնության, եթե՝

• Քո զուգընկերը քեզ վախեցնում է կամ վերահսկում՝ ում հետ խոսել, ուր գնալ

• Դու հաճախ զգում ես վախ, անհանգստություն կամ մեղավորություն հարաբերություններում

• Քեզ արգելում են աշխատել կամ սովորել

• Քեզ հաճախ վիրավորում են, ստորացնում կամ մեկուսացնում ընկերներից, ընտանիքից

• Քո մարմնի վրա կան անբացատրելի կապտուկներ կամ վերքեր

• Զուգընկերդ ստիպում է սեռական հարաբերության՝ առանց համաձայնության

• Վախենում ես ասել «ոչ» կամ արտահայտել կարծիք