Անցնել բովանդակությանը

Հղիության կանխարգելում

Ինչպե՞ս կարող եմ պաշտպանվել անցակալի հղիությունից․

Տարբերակում են երկու տեսակի պահպանակներ՝ կանացի և տղամարդու, սակայն ՀՀ-ում միայն առկա է տղամարդու պահպանակ:

Պահպանակի առավելությունները․

  • Ճիշտ օգտագործման դեպքում շատ արդյունավետ են

  • Պաշտպանում են սեռավարակներից

  • Չեն պահանջում բժշկի միջամտություն

  • Մատչելի են ու հասանելի

  • Օգտագործելը հեշտ է

Հիմնականում չունեն կողմնակի ազդեցություններ:

Ներարգանդային պարույրը (սպիրալ)

Ներարգանդային պարույրը (սպիրալ) արգանդի խոռոչում տեղադրվող փոքր պլաստիկ զսպանակ է, որը կարող է կանխել հղիությունը։ Այբ գրեթե 99%-ով արդյունավետ է։

Պարույրը տեղադրվում է բժշկի կողմից։

Առավելություններ`

  • Շատ արդյունավետ է հղիությունը կանխելու համար (99%)

  • Իրականացում է մեկանգամյա միջամտություն և առկա է երկարաժամկետ օգտագործելու հնարավորություն

  • Սեռական հարաբերությունից առաջ կամ ընթացքում որևէ գործողություն չի պահանջվում

  • Հարմար մեթոդ է կրծքով կերակրող կանանց համար, սակայն կրծքով կերակրման ընթացքում հորմոնային պարույր խորհուրդ չի տրվում, միայն կարելի է օգտագործել պարույրի պղնձե տարատեսակը

  • Պարույրը հեռացնելուց հետո պտղաբերությունն անմիջապես վերականգնվում է

  • Պարույրը հանդիսանում է ժամանակակից հակաբեղմնավորիչ միջոցներից ամենամատչելին, եթե օգտագործվում է մեկ տարուց երկար

Թերություններ`

  • Չի պաշպանում սեռավարակներից, այդ թվում ՄԻԱՎ-ից

  • Կարող է տեղադրվել միայն մասնագետ –գինեկոլոգի կողմից

  • Պղնձե պարույրը կարող է առաջ բերել առատ և ցավոտ դաշտանային արյունահոսություն

  • Հազվադեպ կարող է ներաճել արգանդի պատի մեջ

Հղիության կանխարգելիչ դեղեր

Հակաբեղմնավորիչ հաբերը կնոջ օրգանիզմում արտադրվող հորմոնների (էստրոգենի և պրոգեստերոնի) աննշան քանակություն պարունակող հաբեր են, որոնք կանխում են ձվաբջջի հասունացումը և անհնարին են դարձնում հղիությունը։

Կանանց մեծ մասը կարող է օգտագործել հակաբեղմնավորիչ հաբեր առանց վտանգի։ Հաբերն ընդունելուց առաջ անհրաժեշտ է դիմել բժշկի` պարզելու համար առողջական կարգավիճակը։ Կանայք չեն կարող օգտագործել հորմոնային մեթոդներ, եթե ունեն արյան բարձր ճնշում, սրտանոթային համակարգի խնդիրներ, երակների վարիկոզ լայնացում, միգրեն, ՄԻԱՎ, կրծքի քաղցկեղ և քաղցկեղի բարձր վտանգ կամ էլ 35 տարեկանից բարձր են և ծխում են։

Առավելություններ`

  • Շատ արդյունավետ են (92-99%),

  • Մեղմացնում են դաշտանային ցիկլի ցավը

  • Կարող են նվազեցնել դեմքի մաշկի բշտիկների քանակը

  • Նվազեցնում են դաշտանային արյունահոսության քանակը

  • Նվազեցնում են ձվարանների և արգանդի լորձաթաղանթի քաղցկեղի առաջացման հավանականությունը

  • Նվազեցնում են կոնքի խոռոչի օրգանների բորբոքային հիվանդությունների հավանականությունը

  • Չեն ազդում պտղաբերության վրա: Հաբերի ընդունումը դադարեցնելուց կարճ ժամանակ անց կինը կարող է հղիանալ

Թերություններ`

  • Օգտագործման առաջին ամիսների ընթացքում կարող են առաջացնել սրտխառնոց, փսխում, գլխացավ, քաշի աննշան ավելացում, կրծքագեղձերի ցավ

  • Չեն պաշպանում սեռավարակներից, այդ թվում նաև ՄԻԱՎ-ից

  • Կարող են առաջացնել սրտանոթային համակարգի որոշ խանգարումներ և նպաստել արյան մակարդելիության բարձրացմանը

  • Կարող են առաջացնել տրամադրության անկում

  • Պետք է ամեն օր մեկ հաբ ընդունել, սակայն առկա է հաբը մոռանալու վտանգը

Այս կայքը քուքիներ է օգտագործում

կարող եք չեղարկել Ձեր համաձայնությունը՝ փոխելով Ձեր դիտարկիչի կարգավորումները:

Ավելին