Պետության կողմից երաշխավորված անվճար մանկաբարձական հիվանդանոցային բժշկական օգնություն և ծառայություններ

Պետության կողմից երաշխավորված անվճար մանկաբարձական հիվանդանոցային բժշկական օգնություն և սպասարկում ցուցաբերվում է բոլոր հղիների, ծննդաբերների և ծննդկանների համար և ընդգրկում է`

• հղիների նախածննդյան հիվանդանոցային բժշկական օգնությունը և սպասարկումը` հղիության ախտաբանական ընթացքի և պտղի ներարգանդային ախտահարման դեպքերում,

• հղիների և ծննդաբերների ծննդալուծման և հետծննդյան (ներառյալ նորածինների) խնամքը,

• հղիների, ծննդաբերների բարդացած ծննդաբերության և հետծննդյան (ներառյալ հիվանդ նորածինների) խնամքն ու բարդությունների բուժումը,

• ծննդկանների հետծննդյան շրջանի (42 օր) նորմալ ընթացքի և վտանգի նշանների, ինչպես նաև ներքոհիշյալ նշանների առկայության դեպքում անհապաղ բուժօգնության դիմելու անհրաժեշտության ու պետության կողմից երաշխավորված անվճար բժշկական օգնության և սպասարկման իրավունքի մասին տեղեկատվության տրամադրում,

• հղիության, ծննդաբերության և հետծննդյան շրջանում էքստրագենիտալ (արտասեռական) ախտաբանությունների բուժումը` մասնագիտացված պրոֆիլային բժշկական կազմակերպություններում (բաժանմունքներում), ներառյալ բժշկական ցուցումներով ստորին սիներակի ֆիլտրի տեղադրումը` խորանիստ երակների թրոմբոզի դեպքում.

Բնական ծննդաբերությունն սկսվում է հղիության 37-41-րդ շաբաթներում: Նախքան 37 շաբաթն սկսված ծննդաբերությունը կոչվում է վաղաժամ։